తెలంగానా రాష్ట్రం కొరకు ఉద్యమం యాభై ఏల్లుగా సాగుతుంటే, డిసెంబరు పది చిదంబరం ప్రకటనతో రాత్రికి రాత్రి మొదలయ్యిన సమైక్యాంధ్ర ఉద్యమానికి మద్దతుగా తెలుగు బ్లాగర్లలో ఈ మధ్య ప్రచారం మొదలయ్యింది. అయితే ఇలా రాత్రికి రాత్రి మొదలైన ఉద్యమానికి కారనాలు ఏమి చెప్పాలో ఎవరికీ అర్ధం కాక, ఎదో ఒకటి చెప్పి గోబెల్సు లాగే దాన్నే పదే పదే గట్టిగా అంటే సరిపోతుంది..పెద్దగ వినపడ్డం వల్ల జనం మన మాటే నమ్ముతారని వాల్లు ఆశ పడుతున్నారు లాగుంది. వీల్ల వాదనలు చాలా చిత్రంగా తలా తోకా లేకుండా, అసలు వాల్లు దేనికోసం ఉద్యమం చేస్తున్నారో కూడా తెలియనంత విచిత్రంగా ఉంటాయి. మచ్చుకు కొన్ని సమైక్య వాదుల వాదనలు.
1. రాష్ట్ర విభజన దేశ సమగ్రతకు పెద్ద సమస్య. ఇది వేర్పాటు వాదుల కుట్ర.
ఈ వాదన చూస్తే కాస్త బుర్ర ఉన్న ఎవ్వరికైనా నవ్వు రాక మానదు. ఒక రాష్ట్ర విభజనకీ, దేశ సమగ్రతకి సంబంధం ఏమిటి? అసలు దేశంలో రాష్ట్రాలే లేకుండా అంతా కలిసి ఉంటే సమగ్రత ఎక్కువగా ఉంటుందా? తెలంగాణా వాల్లేమైనా ఈదేశం నుండి విడిపోతామంటున్నారా? కొత్త రాష్ట్రం ఎర్పడితే అది ఈ దేశంలో భాగం కాద? మద్రాసు నుంచి విడిపోయి ఆంధ్ర రాష్ట్రం ఏర్పడ్డప్పుడూ, ఝార్ఖండ్, ఉత్తరాంచల్, చత్తిస్గర్హ్ ఏర్పడ్డప్పుడూ ఈ దేశ సమగ్రతకు ముప్పు ఏమన్నా వచ్చిందా?
2. మీడియా, పోలీసులు తెలంగానా పక్షం??!!
అసలు మీడియా అంతా ఆంధ్రా వాల్ల చేతుల్లో ఉంది. మీడియా తెలంగాన పక్షం అని చెప్పడం విచిత్రంగా లేదూ? వీల్లు చెప్పేదేమంటే మీడియా ఎప్పుడూ తెలంగానా వాల్ల ఉద్యమాన్నే చూపిస్తుంది, ఆంధ్రా వాల్లు విశాఖ పట్నం లోనో, విజయవాడలోనో చేసేది చూపించరని. అవును అసలు ప్రజల్లో ఏమాత్రం మద్దతు లేని, కొంతమంది బడా నాయకులు తమ ప్రాబల్యం కోసం డబ్బులిచ్చి చేపిస్తున్న ఈ రాత్రికి రాత్రి మొదలయిన ఉద్యమాన్ని ఎవడు చూపిస్తాడు, చూపిస్తే ఎవడు చూస్తాడు? అక్కడొ పది మంది, ఇక్కడొ నలుగురు కలిసి ధర్నాలు చేసి దాన్ని ఎవరూ చూపించట్లేదంటారు.
ఇక వీల్లు చెప్పే మరో కారణం ఏమిటంటే తెలంగాణా నాయకుల సమావేషాలు, ప్రసంగాలు ఎక్కువగా చూపిస్తారు, ఆంధ్రా వాల్లవి చూపించరని. మరి అది నిజమే కదా? మిడియా ఎవరి ప్రసంగాలు ప్రజలు వినాలని కోరుకుంటున్నారో వాల్లవే చూపిస్తారు. చిరంజీవి, లగడపాటిల ఉపన్యాసాలు ఎవడైనా వింటాడా మరి?
ఇకపోతే విచిత్రమైన విషయం ఏమిటంటే పోలీసులు తెలంగానా వాల్లవైపట!! ఉస్మానియా విద్యార్తులు క్యాంపస్ లో ఉంటే హాస్టల్లలోకి వచ్చి కొట్టిన పోలీసులు అనంతపురంలో బీఎస్సెన్నెల్ గోడౌన్లు కాలుస్తున్నా అక్కడే ఉండి చూస్తూ ఊరుకున్నారు. కేసీఆర్ని దారి కాచి ఖమ్మం జైలుకి తరలించిన పోలీసులు లగడపాటి హాస్పిటల్ నుండి సినిమాలో లాగా తప్పించుకుని హైదరాబాదు వచ్చినా చోద్యం చూసారు. అయినా వీల్ల కల్లకు పోలీసులు తెలంగానా పక్షపాతుల్లాగానే కనిపిస్తారు.
3. తెలంగానా రాష్ట్రం ఏర్పడ్డంత మాత్రానా అభివ్రుద్ధి సాధ్యమని గ్యారంటీ ఉందా?
అసలు దేనికయినా గ్యారంటీ ఉంటుందా? ఏదైనా మార్పుని కోరుకునే వాడు మార్పు మంచి ఫలితాన్ని ఇస్తుందని ఆషిస్తాడు. కలిసి ఉంటే అభివ్రుద్ధి జరుగుతుందేమోనని యాభై ఏల్లు వేచి చూసారు. ఇంకా ఎంత కాలం చూడమంటారో చెప్పండి.
4. ఈ విభజన వాదుల బందుల వల్ల నష్టం జరుగుతుంది.
నిజమే మరి. ఎవరు మాత్రం ఇలా బందులూ, ధర్నాలు ఉండాలని కోరుకుంటారు చెప్పండి? తెలంగాణా ప్రక్రియ మొదలవుతుందని చిదంబరం చెప్పగానే మీరు కేంద్ర ప్రభుత్వ నిర్నయానికి కట్టుబడి ఉంటే ఈ గొడవలన్నీ ఉండేవి కావు కదా? సమైక్య వాదులేమైనా బందులూ, ధర్నాలూ, నిరాహార దీక్షలూ లాంటివేవీ చేయకుండా ఊరుకున్నారా మరి? అప్పుడేమయింది మీ ఈ విచక్షణ?
